ಇಂದಿನ ದಿನಗಳಲ್ಲಿ ಏರುತ್ತಿರುವ ಬೆಲೆಗಳ ನಡುವೆ ನಿವೃತ್ತಿಯ ನಂತರದ ಜೀವನ ಸಾಗಿಸುವುದು ಸ್ವಲ್ಪ ಕಷ್ಟದ ಕೆಲಸವೇ. ಅದಕ್ಕಾಗಿಯೇ ಲಕ್ಷಾಂತರ ಖಾಸಗಿ ವಲಯದ ಉದ್ಯೋಗಿಗಳು ಇಪಿಎಸ್-95 (EPS-95) ಪಿಂಚಣಿ ಮೊತ್ತದ ಹೆಚ್ಚಳಕ್ಕಾಗಿ ಕಾತರದಿಂದ ಕಾಯುತ್ತಿದ್ದಾರೆ. ಸದ್ಯ ಕನಿಷ್ಠ ಪಿಂಚಣಿ ₹1,000 ಇರುವುದನ್ನು ₹7,500ಕ್ಕೆ ಏರಿಸಬೇಕು ಎಂಬ ದೊಡ್ಡ ಮಟ್ಟದ ಬೇಡಿಕೆ ಕೇಳಿಬರುತ್ತಿದೆ.
ನಿಮ್ಮ ಸಂಬಳ ₹15,000 ಆಗಿದ್ದರೆ, ನಿವೃತ್ತಿಯ ನಂತರ ನಿಮಗೆ ಎಷ್ಟು ಪಿಂಚಣಿ ಬರಬಹುದು? ಈ ಯೋಜನೆಯ ಲಾಭ ಪಡೆಯಲು ಇರಬೇಕಾದ ಅರ್ಹತೆಗಳೇನು? ಈ ಎಲ್ಲಾ ಮಾಹಿತಿಯನ್ನ ಸರಳವಾಗಿ ತಿಳಿಸಿಕೊಡುತ್ತೇವೆ ಓದಿ.
ಅರ್ಹತೆ ಏನಿರಬೇಕು?
ನೀವು ಇಪಿಎಸ್-95 ಅಡಿಯಲ್ಲಿ ಪಿಂಚಣಿ ಪಡೆಯಬೇಕೆಂದರೆ ಮುಖ್ಯವಾಗಿ ಎರಡು ಕಂಡಿಷನ್ ಇವೆ:
- ನೀವು ಕನಿಷ್ಠ 10 ವರ್ಷಗಳ ಕಾಲ ಸೇವೆಯನ್ನು ಪೂರ್ಣಗೊಳಿಸಿರಬೇಕು.
- ಅಷ್ಟು ವರ್ಷಗಳ ಕಾಲ ನಿರಂತರವಾಗಿ ನಿಮ್ಮ ಪಿಎಫ್ (EPF) ಖಾತೆಗೆ ಹಣ ಸಂದಾಯವಾಗಿರಬೇಕು.
ಪಿಂಚಣಿ ಲೆಕ್ಕ ಹಾಕುವುದು ಹೇಗೆ?
ನಿಮ್ಮ ಪಿಂಚಣಿಯನ್ನು ಲೆಕ್ಕ ಹಾಕಲು ಒಂದು ಸಿಂಪಲ್ ಫಾರ್ಮುಲಾ ಇದೆ:
ಪಿಂಚಣಿ = (ಕಳೆದ 60 ತಿಂಗಳ ಸರಾಸರಿ ವೇತನ × ಒಟ್ಟು ಸೇವಾ ವರ್ಷಗಳು) ÷ 70
ಇಲ್ಲಿ ಒಂದು ವಿಷಯ ನೆನಪಿಡಿ, ಪಿಂಚಣಿಗಾಗಿ ವೇತನದ ಮಿತಿಯನ್ನು ಸದ್ಯಕ್ಕೆ ₹15,000 ಎಂದು ನಿಗದಿಪಡಿಸಲಾಗಿದೆ. ನೀವು ಇದಕ್ಕಿಂತ ಹೆಚ್ಚು ಸಂಬಳ ಪಡೆಯುತ್ತಿದ್ದರೂ, ಲೆಕ್ಕಾಚಾರದ ಸಮಯದಲ್ಲಿ ₹15,000 ಅನ್ನೇ ಆಧಾರವಾಗಿ ತೆಗೆದುಕೊಳ್ಳಲಾಗುತ್ತದೆ.
₹15,000 ವೇತನ ಪಡೆಯುವವರಿಗೆ ಎಷ್ಟು ಸಿಗುತ್ತೆ?
ನಿಮ್ಮ ಸಂಬಳ ₹15,000 ಆಗಿದ್ದು, ನೀವು ಕೆಲಸ ಮಾಡಿದ ವರ್ಷಗಳು ಹೆಚ್ಚಾದಂತೆ ನಿಮ್ಮ ಪಿಂಚಣಿ ಕೂಡ ಹೆಚ್ಚಾಗುತ್ತದೆ. ಇಲ್ಲಿದೆ ಒಂದು ಅಂದಾಜು ಪಟ್ಟಿ!
- 10 ವರ್ಷದ ಸೇವೆ - ಸುಮಾರು ₹2,150 ಪಿಂಚಣಿ.
- 15 ವರ್ಷದ ಸೇವೆ - ಸುಮಾರು ₹3,214 ಪಿಂಚಣಿ.
- 20 ವರ್ಷದ ಸೇವೆ - ಸುಮಾರು ₹4,714 ಪಿಂಚಣಿ.
- 25 ವರ್ಷದ ಸೇವೆ - ಸುಮಾರು ₹5,785 ಪಿಂಚಣಿ.
- 30 ವರ್ಷದ ಸೇವೆ - ಸುಮಾರು ₹6,857 ಪಿಂಚಣಿ.
- ಪಿಂಚಣಿ ಏರಿಕೆಯಿಂದ ಯಾರಿಗೆ ಎಷ್ಟು ಲಾಭ?
ಸದ್ಯ ಸರ್ಕಾರವು ಕನಿಷ್ಠ ಪಿಂಚಣಿಯನ್ನು ಹೆಚ್ಚಿಸುವ ಕುರಿತು ಚರ್ಚಿಸುತ್ತಿದ್ದು, ಇದರಿಂದ ವಿಭಿನ್ನ ವೇತನ ಶ್ರೇಣಿಯವರಿಗೆ ಕೆಳಗಿನಂತೆ ಲಾಭವಾಗಬಹುದು:
₹1,500ಕ್ಕೆ ಏರಿಕೆಯಾದರೆ: - ತಿಂಗಳಿಗೆ ₹10,000 ಸಂಬಳ ಪಡೆಯುತ್ತಿದ್ದು, 10 ವರ್ಷ ಸೇವೆ ಸಲ್ಲಿಸಿದವರಿಗೆ ಇದು ದೊಡ್ಡ ಮಟ್ಟದ ನೆರವಾಗಲಿದೆ. ಈಗಾಗಲೇ ₹11,000 ಕ್ಕಿಂತ ಹೆಚ್ಚು ಪಡೆಯುವವರು ಇದಕ್ಕಿಂತ ಹೆಚ್ಚಿನ ಪಿಂಚಣಿ ಪಡೆಯುತ್ತಿದ್ದಾರೆ.
₹2,000ಕ್ಕೆ ಏರಿಕೆಯಾದರೆ: - ₹11,000 ದಿಂದ ₹15,000 ಸಂಬಳವಿದ್ದು 10 ವರ್ಷ ಕೆಲಸ ಮಾಡಿದವರಿಗೆ ಅನುಕೂಲವಾಗಲಿದೆ.
₹2,500 ರಿಂದ ₹3,000ಕ್ಕೆ ಏರಿಕೆಯಾದರೆ: - 12 ರಿಂದ 14 ವರ್ಷಗಳ ಕಾಲ ಕಡಿಮೆ ವೇತನದಲ್ಲಿ (₹10,000 - ₹14,000) ಕೆಲಸ ಮಾಡಿದ ಹಿರಿಯ ನೌಕರರಿಗೆ ಈ ಹೆಚ್ಚಳವು ಆಸರೆಯಾಗಲಿದೆ.
ಕನಿಷ್ಠ ಪಿಂಚಣಿ ಯಾಕೆ ಬೇಕು?
ಲೆಕ್ಕಾಚಾರದ ಪ್ರಕಾರ ಯಾರು ₹7,000 ಕ್ಕಿಂತ ಕಡಿಮೆ ಸಂಬಳ ಪಡೆಯುತ್ತಿರುತ್ತಾರೋ, ಅವರಿಗೆ ಪಿಂಚಣಿ ಮೊತ್ತ ₹1,000 ಕ್ಕಿಂತ ಕಡಿಮೆ ಬರುತ್ತದೆ. ಅಂತಹ ಸಮಯದಲ್ಲಿ ಸರ್ಕಾರವು ಅವರಿಗೆ ಕನಿಷ್ಠ ₹1,000 ನೀಡಿ ಬೆಂಬಲಿಸುತ್ತದೆ. ಈಗ ಇದೇ ಮೊತ್ತವನ್ನು ₹7,500 ಕ್ಕೆ ಏರಿಸಬೇಕೆಂದು ದೇಶಾದ್ಯಂತ ಹೋರಾಟಗಳು ನಡೆಯುತ್ತಿವೆ.
ಹಣದುಬ್ಬರ ದಿನದಿಂದ ದಿನಕ್ಕೆ ಏರುತ್ತಿರುವುದರಿಂದ ಈ ಪಿಂಚಣಿ ಹೆಚ್ಚಳವು ಲಕ್ಷಾಂತರ ನಿವೃತ್ತ ನೌಕರರ ಪಾಲಿಗೆ ಸಂಜೀವಿನಿಯಾಗಲಿದೆ. ಸರ್ಕಾರದ ಈ ನಿರ್ಧಾರ ಯಾವಾಗ ಜಾರಿಗೆ ಬರಲಿದೆ ಎಂದು ಎಲ್ಲರೂ ಕುತೂಹಲದಿಂದ ಕಾಯುತ್ತಿದ್ದಾರೆ. ನಿಮ್ಮ ಪಿಎಫ್ ಖಾತೆಯ ಬ್ಯಾಲೆನ್ಸ್ ಮತ್ತು ಸೇವಾ ಅವಧಿಯನ್ನು ಆಗಾಗ ಪರಿಶೀಲಿಸುತ್ತಿರಿ.
ನಿಮ್ಮ ಪ್ರಕಾರ ಕನಿಷ್ಠ ಪಿಂಚಣಿ ಎಷ್ಟು ಇರಬೇಕು? ಕಾಮೆಂಟ್ ಮಾಡಿ ತಿಳಿಸಿ.
ಉದ್ಯೋಗ ಹಾಗೂ ಆರ್ಥಿಕ ಸುದ್ದಿಗಳಿಗಾಗಿ ಸಪ್ತಾಶ್ವ ಟಿವಿಯನ್ನು ಫಾಲೋ ಮಾಡಿ.
