ಗ್ಲಾಮರ್ ಪ್ರಪಂಚ ಅಂದಮೇಲೆ ಅಲ್ಲಿ ಫ್ಲ್ಯಾಶ್ ಲೈಟ್ಗಳು, ರೆಡ್ ಕಾರ್ಪೆಟ್ಗಳು ಮತ್ತು ಫೋಟೋಗ್ರಾಫರ್ಗಳ ಸೌಂಡ್ ಇರಲೇಬೇಕು. ಆದರೆ, ಇತ್ತೀಚಿನ ದಿನಗಳಲ್ಲಿ ಬಾಲಿವುಡ್ನ ಪಾಪರಾಜಿ ಕಲ್ಚರ್ (Paparazzi Culture) ಮಿತಿಮೀರಿ ಹೋಗುತ್ತಿದ್ದು, ಸೆಲೆಬ್ರಿಟಿಗಳ ನೆಮ್ಮದಿ ಕೆಡಿಸುತ್ತಿದೆ. ಇದಕ್ಕೆ ಲೇಟೆಸ್ಟ್ ಸಾಕ್ಷಿ ನಟಿ ಕಂಗನಾ ಶರ್ಮಾ ಇತ್ತೀಚೆಗೆ ಅನುಭವಿಸಿದ ಕಹಿ ಅನುಭವ ಎನ್ನಬಹುದು. ಇವೆಂಟ್ ಒಂದರಲ್ಲಿ ಮುಗಿಬಿದ್ದ ಕ್ಯಾಮೆರಾಮನ್ಗಳು ನಟಿಯ ಪರ್ಸನಲ್ ಸ್ಪೇಸ್ಗೆ ಧಕ್ಕೆ ತಂದಿದ್ದು, ಈ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿದೆ;
ಗ್ಲಾಮರ್ ಲೋಕದ ಸೆಲೆಬ್ರಿಟಿಗಳಿಗೆ ಫೋಟೋಗ್ರಾಫರ್ಗಳ ಕಾಟ ಹೊಸದೇನಲ್ಲ. ಇತ್ತೀಚೆಗೆ ಬಾಲಿವುಡ್ ನಟಿ ಕಂಗನಾ ಶರ್ಮಾ ಪಾಲ್ಗೊಂಡಿದ್ದ ಕಾರ್ಯಕ್ರಮವೊಂದರಲ್ಲಿ ಈ ಕ್ಯಾಮೆರಾಮನ್ಗಳ ಅತಿರೇಕ ಮಿತಿಮೀರಿದ್ದು, ನಟಿ ಸಾರ್ವಜನಿಕವಾಗಿ ಭಾರಿ ಮುಜುಗರ ಅನುಭವಿಸುವಂತಾಗಿದೆ.
ಕಾರ್ಯಕ್ರಮಕ್ಕೆ ಕಂಗನಾ ಶರ್ಮಾ ಎಂಟ್ರಿ ಕೊಡುತ್ತಿದ್ದಂತೆ, ಅಲ್ಲಿ ನೆರೆದಿದ್ದ ನೂರಾರು ಫೋಟೋಗ್ರಾಫರ್ಗಳು ಒಮ್ಮೆಗೆ ಮುಗಿಬಿದ್ದರು. ಎಲ್ಲಾ ಕಡೆಯಿಂದಲೂ ನಾನ್ಸ್ಟಾಪ್ ಆಗಿ ಕ್ಯಾಮೆರಾ ಫ್ಲ್ಯಾಶ್ಗಳು ಆನ್ ಆದವು! ಕಂಗನಾ ಅವರ ಒಂದು ಕ್ಲಿಕ್ ಜಾರಿಗೆ ತರಲು ಫೋಟೋಗ್ರಾಫರ್ಗಳ ಮಧ್ಯೆ ನೂಕುನುಗ್ಗಲು ಶುರುವಾಯಿತು. ನೋಡನೋಡುತ್ತಿದ್ದಂತೆ ಜನಜಂಗುಳಿ ಹೆಚ್ಚಾಗಿ, ನಟಿಗೆ ಒಂದು ಹೆಜ್ಜೆ ಮುಂದೆ ಇಡಲೂ ಜಾಗವಿಲ್ಲದಂತೆ ಇಡೀ ರಸ್ತೆಯನ್ನು ಬ್ಲಾಕ್ ಮಾಡಲಾಯಿತು.
"ಸಾಕು ನಿಲ್ಲಿಸಿ, ನನಗೂ ಟೈಮ್ ಆಗ್ತಿದೆ!" - ನಟಿಯ ವಾರ್ನಿಂಗ್;
ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಇಂತಹ ಸಂದರ್ಭದಲ್ಲಿ ನಗುತ್ತಲೇ ಫೋಸ್ ಕೊಟ್ಟು ಹೋಗುತ್ತಾರೆ. ಆದರೆ ಇಲ್ಲಿ ಫೋಟೋಗ್ರಾಫರ್ಗಳು ನಟಿಗೆ ದಾರಿ ಬಿಡುವ ಯಾವುದೇ ಲಕ್ಷಣ ತೋರಿಸಲಿಲ್ಲ. ಎಷ್ಟೇ ರಿಕ್ವೆಸ್ಟ್ ಮಾಡಿದರೂ ತುಂಬಾ ಹತ್ತಿರ ನುಗ್ಗಿ ಫೋಟೋ ಕ್ಲಿಕ್ಕಿಸುತ್ತಲೇ ಇದ್ದರು. ಕೊನೆಗೆ ಸಹನೆ ಕಳೆದುಕೊಂಡ ಕಂಗನಾ ಶರ್ಮಾ, ತುಂಬಾನೇ ಗರಂ ಆಗಿ, "ಈಗ ಫೋಟೋ ತಗೊಂಡಿದ್ದು ಸಾಕು, ಪ್ಲೀಸ್ ನಿಲ್ಲಿಸಿ! ನನಗೂ ಕೆಲಸ ಇದೆ, ನಾನು ಹೋಗಬೇಕು. ಮೊದಲು ನನಗೆ ಸ್ವಲ್ಪ ಜಾಗ ಬಿಡಿ, ದಾರಿ ಮಾಡಿ" ಎಂದು ಕಡಕ್ ಆಗಿ ಹೇಳಬೇಕಾಗಿ ಬಂತು.
ನೆಟ್ಟಿಗರ ಆಕ್ರೋಶ;
ಈ ಇಡೀ ಘಟನೆಯ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ ಸಾರ್ವಜನಿಕರು ಮತ್ತು ನೆಟ್ಟಿಗರು ಫೋಟೋಗ್ರಾಫರ್ಗಳ ವರ್ತನೆಗೆ ತೀವ್ರ ಆಕ್ರೋಶ ಹೊರಹಾಕುತ್ತಿದ್ದಾರೆ. "ಅವರಿಗೂ ಒಂದು ಪರ್ಸನಲ್ ಸ್ಪೇಸ್ ಇರುತ್ತದೆ, ದುಡ್ಡು ಮತ್ತು ವೀವ್ಸ್ಗಾಗಿ ಸೆಲೆಬ್ರಿಟಿಗಳಿಗೆ ಈ ರೇಂಜ್ಗೆ ಮಾನಸಿಕ ಟಾರ್ಚರ್ ಕೊಡಬಾರದು" ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ. ಇವೆಂಟ್ ಆರ್ಗನೈಸರ್ಸ್ ಸರಿಯಾದ ಸೆಕ್ಯೂರಿಟಿ ಒದಗಿಸದ ಕಾರಣ ಇಂತಹ ಅಹಿತಕರ ಘಟನೆಗಳು ಪದೇ ಪದೇ ನಡೆಯುತ್ತಿದ್ದು, ಸೆಲೆಬ್ರಿಟಿಗಳ ಸುರಕ್ಷತೆಯ ಬಗ್ಗೆ ಈಗ ದೊಡ್ಡ ಪ್ರಶ್ನೆ ಎದ್ದಿದೆ..
