ರಾಜ್ಯವನ್ನೇ ಬೆಚ್ಚಿಬೀಳಿಸಿರುವ ರಾಜಾಜಿನಗರದ ಒಂದೇ ಕುಟುಂಬದ ಏಳು ಮಂದಿಯ ಹ*ತ್ಯೆ ಪ್ರಕರಣದಲ್ಲಿ ದಿನಕ್ಕೊಂದು ಭಯಾನಕ ಸಂಗತಿಗಳು ಬೆಳಕಿಗೆ ಬರುತ್ತಿವೆ. ಆರೋಪಿ ಇಂದುಶೇಖರ್ ನಡೆಸಿದ್ದ ಕ್ರೌರ್ಯಕ್ಕೆ ಸಂಬಂಧಿಸಿದಂತೆ ಮತ್ತಷ್ಟು ಆಘಾತಕಾರಿ ಮಾಹಿತಿಗಳು ಬಹಿರಂಗವಾಗಿವೆ. ತಂದೆ ಶಿವಕುಮಾರ್ ಮತ್ತು ತಾಯಿ ದಿವ್ಯಾ ಅವರನ್ನು ಹ*ತ್ಯೆ ಮಾಡಿದ ಬಳಿಕ ಅವರ ಮಗ ಪುನೀತ್ನನ್ನು ನಾಲ್ಕು ದಿನಗಳ ಕಾಲ ಜೀವಂತವಾಗಿರಿಸಿದ್ದ ಆರೋಪಿ, ಮೃ*ತದೇಹಗಳ ಜೊತೆಯೇ ಬಾಲಕನನ್ನು ಕಾರಿನಲ್ಲಿ ಕರೆದೊಯ್ದಿದ್ದ ಎಂಬ ಸಂಗತಿ ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.
ಒಂದೇ ಕುಟುಂಬದ ಏಳು ಮಂದಿಯನ್ನು ಹ*ತ್ಯೆ ಮಾಡಿರುವ ಆರೋಪ ಎದುರಿಸುತ್ತಿರುವ ಇಂದುಶೇಖರ್ನ ಕೃ*ತ್ಯಗಳು ಅತ್ಯಂತ ಅಮಾನವೀಯವಾಗಿವೆ. ಸದ್ಯ ಪ್ರಕರಣಕ್ಕೆ ಸಂಬಂಧಿಸಿದಂತೆ ಐದು ಮೃ*ತದೇಹಗಳು ಪತ್ತೆಯಾಗಿದ್ದು, ಮೃ*ತರ ಅಂತ್ಯಕ್ರಿಯೆಗೆ ಕುಟುಂಬಸ್ಥರು ಸಿದ್ಧತೆ ನಡೆಸುತ್ತಿದ್ದಾರೆ.
ಅಪ್ಪ-ಅಮ್ಮನ ಹ*ತ್ಯೆ ಬಳಿಕ ನಾಲ್ಕು ದಿನ ಬದುಕಿದ್ದ ಪುನೀತ್!
ತನಿಖೆಯಲ್ಲಿ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ, ಅಕ್ಟೋಬರ್ 24ರಂದು ಸಂಜೆ ಶಿವಕುಮಾರ್, ಅವರ ಪತ್ನಿ ದಿವ್ಯಾ ಹಾಗೂ ಮಗ ಪುನೀತ್ ಇಂದುಶೇಖರ್ ಮನೆಗೆ ಬಂದಿದ್ದರು. ಅದೇ ದಿನ ರಾತ್ರಿ ಸುಮಾರು 10.30ರಿಂದ 11.30ರ ನಡುವೆ ಶಿವಕುಮಾರ್ ಅವರನ್ನು ಆರೋಪಿ ಹತ್ಯೆ ಮಾಡಿದ್ದಾನೆ ಎನ್ನಲಾಗಿದೆ.
ಇದಾದ ಬಳಿಕ ಅಕ್ಟೋಬರ್ 25ರ ಬೆಳಗಿನ ಜಾವ ಸುಮಾರು 4 ಗಂಟೆಗೆ ವಾಶ್ರೂಮ್ಗೆ ಎದ್ದಿದ್ದ ದಿವ್ಯಾ ಅವರನ್ನೂ ಕೊ*ಲೆ ಮಾಡಲಾಗಿದೆ. ಹೀಗೆ ತಂದೆ-ತಾಯಿ ಇಬ್ಬರನ್ನೂ ಕಳೆದುಕೊಂಡ ಪುಟ್ಟ ಬಾಲಕ ಪುನೀತ್ ಮಾತ್ರ ಜೀವಂತವಾಗಿದ್ದ.
ಆದರೆ ಬಾಲಕನನ್ನು ತಕ್ಷಣವೇ ಹತ್ಯೆ ಮಾಡದೆ ಆರೋಪಿ ತನ್ನೊಂದಿಗೆ ಇಟ್ಟುಕೊಂಡಿದ್ದ. ಬಳಿಕ ಶಿವಕುಮಾರ್ ಮತ್ತು ದಿವ್ಯಾ ಅವರ ಮೃತದೇಹಗಳನ್ನು ಚೀಲಗಳಲ್ಲಿ ತುಂಬಿ ಕಾರಿಗೆ ಸಾಗಿಸಿದ್ದಾನೆ. ಈ ವೇಳೆ ಪುನೀತ್ ಮತ್ತು ಕುಟುಂಬದ ಮತ್ತೊಬ್ಬ ಬಾಲಕಿಯನ್ನೂ ತನ್ನೊಂದಿಗೆ ಕರೆದೊಯ್ದಿದ್ದಾನೆ ಎನ್ನಲಾಗಿದೆ.
ಮೃ*ತದೇಹಗಳ ಜೊತೆಯೇ ಬಾಲಕನನ್ನು ಕರೆದೊಯ್ದ ಹಂತಕ!
ಅಕ್ಟೋಬರ್ 26ರ ರಾತ್ರಿ ಇಂದುಶೇಖರ್ ಬೆಂಗಳೂರಿನಿಂದ ಮೈಸೂರು ಕಡೆಗೆ ಕಾರಿನಲ್ಲಿ ಪ್ರಯಾಣ ಬೆಳೆಸಿದ್ದಾನೆ. ಈ ವೇಳೆ ಕಾರಿನಲ್ಲಿ ಶಿವಕುಮಾರ್ ಮತ್ತು ದಿವ್ಯಾ ಅವರ ಮೃ*ತದೇಹಗಳಿದ್ದವು. ಜೊತೆಗೆ ಪುನೀತ್ ಮತ್ತು ಮತ್ತೊಬ್ಬ ಬಾಲಕಿಯೂ ಇದ್ದರು ಎನ್ನಲಾಗಿದೆ.
ಅಕ್ಟೋಬರ್ 27ರ ಬೆಳಗಿನ ಜಾವ ಸುಮಾರು 5ರಿಂದ 6 ಗಂಟೆಯ ನಡುವೆ ಚಾಮುಂಡಿ ಬೆಟ್ಟದ ತಪ್ಪಲಿನಲ್ಲಿ ಶಿವಕುಮಾರ್ ಮತ್ತು ದಿವ್ಯಾ ಅವರ ಮೃತದೇಹಗಳನ್ನು ಎಸೆದಿದ್ದಾನೆ ಎಂದು ತನಿಖೆಯ ವಿವರಗಳು ತಿಳಿಸಿವೆ.
ನಂತರ ಪುನೀತ್ ಮತ್ತು ಬಾಲಕಿಯನ್ನು ಕರೆದುಕೊಂಡು ಮತ್ತೆ ಮನೆಗೆ ವಾಪಸ್ ಬಂದಿದ್ದಾನೆ. ಯಾರಾದರೂ ಕರೆ ಮಾಡಿದರೆ ಮಾತನಾಡಲು ಪುನೀತ್ನನ್ನು ಜೀವಂತವಾಗಿ ಇರಿಸಿದ್ದ ಎಂಬ ಆಘಾತಕಾರಿ ಮಾಹಿತಿ ಕೂಡ ತನಿಖೆಯ ವೇಳೆ ಬಹಿರಂಗವಾಗಿದೆ.
ಅಕ್ಟೋಬರ್ 29ರಂದು ಪುನೀತ್ನನ್ನೂ ಕೊಂದ ಆರೋಪಿ!
ತಂದೆ-ತಾಯಿಯ ಹತ್ಯೆಯ ಬಳಿಕ ನಾಲ್ಕು ದಿನಗಳ ಕಾಲ ಪುನೀತ್ ಜೀವಂತವಾಗಿದ್ದ. ಆದರೆ ಅಕ್ಟೋಬರ್ 29ರಂದು ಮಧ್ಯಾಹ್ನ ಸುಮಾರು 3 ಗಂಟೆಗೆ ಆರೋಪಿ ಪುನೀತ್ನನ್ನೂ ಹತ್ಯೆ ಮಾಡಿದ್ದಾನೆ ಎನ್ನಲಾಗಿದೆ.
ಇದಾದ ಬಳಿಕ ಅದೇ ದಿನ ಮಧ್ಯರಾತ್ರಿ 1 ಗಂಟೆ 11 ನಿಮಿಷಕ್ಕೆ ಪುನೀತ್ನ ಮೃತದೇಹವನ್ನು ನಂದಿಬೆಟ್ಟದಲ್ಲಿ ಎಸೆದಿದ್ದಾನೆ ಎಂಬ ಮಾಹಿತಿ ಲಭ್ಯವಾಗಿದೆ.
ಒಂದು ಪುಟ್ಟ ಮಗುವನ್ನು ನಾಲ್ಕು ದಿನಗಳ ಕಾಲ ತನ್ನೊಂದಿಗೆ ಇಟ್ಟುಕೊಂಡು, ಮೃತ ತಂದೆ-ತಾಯಿಯ ಶವಗಳಿದ್ದ ಕಾರಿನಲ್ಲೇ ಪ್ರಯಾಣ ಮಾಡಿಸಿರುವುದು ಪ್ರಕರಣದ ಭೀಕರತೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ಈ ಘಟನೆ ಸಾರ್ವಜನಿಕರಲ್ಲಿ ತೀವ್ರ ಆಕ್ರೋಶ ಮತ್ತು ದುಃಖಕ್ಕೆ ಕಾರಣವಾಗಿದೆ.
ಐದು ಮೃ*ತದೇಹಗಳು ಪತ್ತೆ, ನಾಲ್ಕು ಮಂದಿಯ ಅಂತ್ಯಕ್ರಿಯೆಗೆ ಸಿದ್ಧತೆ
ರಾಜಾಜಿನಗರದ ಏಳು ಮಂದಿಯ ಹ*ತ್ಯೆ ಪ್ರಕರಣದಲ್ಲಿ ಸದ್ಯ ಐದು ಮೃ*ತದೇಹಗಳು ಪತ್ತೆಯಾಗಿವೆ. ಸೇಲಂನಲ್ಲಿ ಸುನೀತಾ ಹಾಗೂ ರೂಪವತಿ ಅವರ ಮೃ*ತದೇಹಗಳು ಪತ್ತೆಯಾಗಿವೆ. ಮತ್ತೊಂದೆಡೆ, ಮೈಸೂರಿನ ಚಾಮುಂಡಿ ಬೆಟ್ಟದ ತಪ್ಪಲಿನಲ್ಲಿ ಶಿವಕುಮಾರ್ ಮತ್ತು ದಿವ್ಯಾ ದಂಪತಿಯ ಮೃತದೇಹಗಳು ಪತ್ತೆಯಾಗಿವೆ. ಪುನೀತ್ನ ಮೃ*ತದೇಹ ನಂದಿಬೆಟ್ಟದಲ್ಲಿ ಪತ್ತೆಯಾಗಿರುವುದಾಗಿ ಪ್ರಕರಣದ ವಿವರಗಳು ತಿಳಿಸಿವೆ.
ಸದ್ಯ ಪತ್ತೆಯಾಗಿರುವ ಮೃ*ತದೇಹಗಳ ಮರಣೋತ್ತರ ಪರೀಕ್ಷೆ ಪ್ರಕ್ರಿಯೆ ನಡೆಯುತ್ತಿದೆ. ಸೇಲಂನಲ್ಲಿ ಪತ್ತೆಯಾದ ಸುನೀತಾ ಮತ್ತು ರೂಪವತಿ ಅವರ ಮೃ*ತದೇಹಗಳ ಮರಣೋತ್ತರ ಪರೀಕ್ಷೆ ಅಲ್ಲಿಯೇ ನಡೆಯುತ್ತಿದೆ. ಶಿವಕುಮಾರ್ ಮತ್ತು ದಿವ್ಯಾ ಅವರ ಮೃತದೇಹಗಳ ಮರಣೋತ್ತರ ಪರೀಕ್ಷೆಯನ್ನು ಮೈಸೂರಿನಲ್ಲಿ ನಡೆಸಲು ಸಿದ್ಧತೆ ಮಾಡಲಾಗಿದೆ.
ಹರಿಶ್ಚಂದ್ರ ಘಾಟ್ನಲ್ಲಿ ಅಂತ್ಯಕ್ರಿಯೆಗೆ ಸಿದ್ಧತೆ
ಪ್ರಕರಣದಲ್ಲಿ ಮೃತಪಟ್ಟವರ ಕುಟುಂಬಸ್ಥರು ಅಂತಿಮ ವಿಧಿವಿಧಾನಗಳನ್ನು ನೆರವೇರಿಸಲು ಸಿದ್ಧತೆ ನಡೆಸುತ್ತಿದ್ದಾರೆ. ಪತ್ತೆಯಾಗಿರುವ ನಾಲ್ಕು ಮೃ*ತದೇಹಗಳನ್ನು ಒಂದೇ ಸ್ಥಳದಲ್ಲಿ ಅಂತ್ಯಕ್ರಿಯೆ ನಡೆಸಲು ನಿರ್ಧರಿಸಲಾಗಿದೆ. ಬೆಂಗಳೂರಿನ ಹರಿಶ್ಚಂದ್ರ ಘಾಟ್ನಲ್ಲಿ ಅಂತ್ಯಕ್ರಿಯೆಗಾಗಿ ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆ.
ಸಂಜೆಯ ವೇಳೆಗೆ ನಾಲ್ಕು ಮೃ*ತದೇಹಗಳನ್ನು ಬೆಂಗಳೂರಿಗೆ ತರಲು ಯೋಜನೆ ರೂಪಿಸಲಾಗಿದೆ ಎಂದು ಲಭ್ಯವಿರುವ ಮಾಹಿತಿಯಲ್ಲಿ ತಿಳಿಸಲಾಗಿದೆ. ಒಂದೇ ಕುಟುಂಬದ ಸದಸ್ಯರನ್ನು ಹೀಗೆ ಕಳೆದುಕೊಂಡಿರುವ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ.
ಒಟ್ಟಿನಲ್ಲಿ, ರಾಜಾಜಿನಗರದ ಏಳು ಮಂದಿಯ ಹ*ತ್ಯೆ ಪ್ರಕರಣದಲ್ಲಿ ಹೊರಬರುತ್ತಿರುವ ಪ್ರತಿಯೊಂದು ಸಂಗತಿಯೂ ಜನರನ್ನು ಬೆಚ್ಚಿಬೀಳಿಸುತ್ತಿದೆ. ವಿಶೇಷವಾಗಿ ತಂದೆ-ತಾಯಿಯ ಹ*ತ್ಯೆಯ ಬಳಿಕ ನಾಲ್ಕು ದಿನಗಳ ಕಾಲ ಪುನೀತ್ನನ್ನು ಜೀವಂತವಾಗಿಟ್ಟಿದ್ದ ಆರೋಪಿ, ಕೊನೆಗೆ ಆತನನ್ನೂ ಕೊಂದಿರುವುದು ಅತ್ಯಂತ ನೋವಿನ ಸಂಗತಿಯಾಗಿದೆ. ಉಳಿದ ಮೃ*ತದೇಹಗಳ ಪತ್ತೆ ಹಾಗೂ ಪ್ರಕರಣದ ಸಂಪೂರ್ಣ ಹಿನ್ನೆಲೆಯ ಕುರಿತು ಪೊಲೀಸರ ತನಿಖೆ ಮುಂದುವರಿದಿದೆ.
Comments